పార్కులు తెరిపించండి…మానవ హక్కుల కమీషన్ కు ఫిర్యాదు చేసిన YAC

Spread the love

దేశవ్యాప్తంగా కరోనా వైరస్ కలకలం రేపుతోన్న విషయం తెలిసిందే. ఇప్పటికే పలు రాష్ట్రాల్లో వేల సంఖ్యలో కేసులు నమోదు అవుతూ వస్తున్నాయి. కరోనా నేపథ్యంలో లాక్ డౌన్ ప్రకటించిన రాష్ట్రాలు పబ్లిక్ ప్లేసులు, జనం రద్దీగా ఉండే అన్నిరకాల ప్రాంతాల్ని మూసివేశాయి. అయితే అన్ లాక్ ప్రక్రియ మొదలైనప్పటికీ… పార్కులు, సినిమా హాల్స్, షాపింగ్ మాల్స్‌కు తెరిచేందుకు కొన్ని ప్రాంతాల్లో ఇంకా అనుమతులు ఇవ్వలేదు. తాజాగా తెలంగాణ రాష్ట్రంలో కరోనా వైరస్‌ వ్యాప్తి నేపథ్యంలో మూసేసిన పార్కులను తక్షణమే తెరవాలంటూ హెచ్ఆర్సీలో పిటిషన్ దాఖలైంది. పార్కులు తెరిచేలా ప్రభుత్వ ప్రధాన కార్యదర్శితో పాటు జీహెచ్‌ఎంసీ కమిషనర్‌కు ఆదేశాలివ్వాలంటూ మానవ హక్కుల కమిషన్‌(హెచ్‌ఆర్సీ)లో పిటిషన్‌ దాఖలైంది. పచ్చదనంతో నిండిన పార్కులను తెరిస్తే.. ప్రజల ఆరోగ్యం బాగుంటుందని యూత్‌ ఫర్‌ యాంటీ కరప్షన్‌(వైఏసీ) మంగళవారం పిటిషన్‌ దాఖలు చేసింది. పార్కుల్లో వ్యాయామం చేయడం వల్ల రోగనిరోధక శక్తి పెరుగుతుందని విన్నవించింది. లాక్‌డౌన్‌ కారణంగా ఇప్పటికీ పార్కులపై కేంద్ర హోంశాఖ ఆంక్షలు విధిస్తోందని, వాటిని ఎత్తివేసి పార్కులను తెరిచేలా చర్యలు తీసుకోవాలని కోరింది. ఈ పిటిషన్‌ను హెచ్‌ఆర్సీ విచారణకు స్వీకరించింది. అయితే నగరాల్లో చాలావరకు ప్రజలు.. పార్కులకు వెళ్లి ఉదయం, సాయంత్రం వేళల్లో వాకింగ్ లాంటివి చేస్తుంటారు. కరోనా భయంతో పార్కులు కూడా మూసివేయడంతో ప్రజలు వ్యాయామం చేయడానికి కూడా వీలు లేకుండా పోయింది. పార్కులు తెరిస్తే… కొందరైనా సరే..కరోనా నిబంధనలు పాటించి పార్కుల్లో.. పచ్చదనంలో పలు వ్యాయామాలు, వాకింగ్, జాగింగ్ లాంటివి చేసే అవకాశం ఉందని వైఏసీ వ్యవస్థాపకుడు రాజేంద్ర పలనాటి తెలిపారు. దాని ద్వారా ఆరోగ్యంతో పాటు రోగనిరోధక శక్తి కూడా పెరిగే అవకాశం ఉందన్నారు. 


Spread the love

Leave a Reply

Your email address will not be published. Required fields are marked *